Зобразити жрїдло сторінкы Блуз

'''Блуз''' ('''Блюз''') — штіл [[музика|музикы]], котрый взникнув в афроамерицькій рабскій комунітї в 19. сторочу в [[США]]. Блуз є світьска музика, выходяча з реліґійных ґоспелів і шпірітуалів і є дуже овпливнена африцьков музиков автохтонных народів. На роздїл од шпірітуалів была в оріґіналнім блуз кладжена вага на соловый [[спів]]. Часто было хоснованя моделу кликаня-одповідь. Соловый голос быв пізнїше допроваджаный [[музичный інштрумент|музичным інштрументом]], барз часто [[ґітара|ґітаров]].

Слово блуз в анґлічтїнї выражать депресівный статус, што характерізує і много блузовых складб. Часто ся але обявують і складбы з веселым, фіґлярьскым ці сексуалным обсягом.

Блуз дало пряму основу [[джез]]у, [[реґтайм|реґтайму]], [[кантрі]](кантрі музику блуз в 19. сторочу лем овпливнив бо она выникла в 18. сторочу), [[рокенрол]]у, [[рок]]у і далшым штілам западоевропской [[популарна музика|популарной музикы]] і овпливнило і много композіторів [[класічна музика|класічной музикы]], і непряму основу про [[Гіпгоп]], [[Поп мюзік]].

== Форма ==
Найчастїшов і основнов формов блуз є дванадцятьтактова все докола повторяна слючка зо слїдуючім складом:

{| class="wikitable"
|'''Такт'''
|'''Гармонічна функція'''
|-
|1. - 4.
|[[Тоніка]]
|-
|5. - 6.
|[[Субдомінанта]]
|-
|7. - 8.
|[[Тоніка]]
|-
|9.
|[[Домінанта (музика)|Домінанта]]
|-
|10.
|[[Субдомінанта]]
|-
|11.
|[[Тоніка]]
|-
|12.
|[[Домінанта (музика)|Домінанта]]
|}

Прикладом простого блузового допроваджаня є наслїдня поступность [[Акордова значка|акордовых значок]]:
* <math> | E^7 | E^7 | E^7 | E^7 | A^7 | A^7 | E^7 | E^7 | H^7 | A^7 | E^7 | H^7 | \,\!</math>

== Мелодія ==
[[мелодія|мелодіка]] выходить з [[блузова пентатоніка|блузовой пентатонікы]], котра є обычайно росшырёвана до дакотрых вецеґрадовых [[Блузова шкала|блузовых шкал]]. Тіпічна є неточность міджі [[Дурова шкала|дуровым]] і [[Молова шкала|моловым]] характером складбы - хоснованя великой і малой [[Терція (музика)|терції]] і великой і малой [[Септіма (музика)|септімы]] (окремо часте є дурове допроводжаня в комбінації з моловов мелодічнов лініов). Далшым характерістічным тоном (єдным з тзв. ''blue notes'') є зменшана [[квінта (музика)|квінта]].

== Рітм ==
Про блуз є тіпічне штиртактове членїня такту, де є але кажда четвертина дале дїлена на дванадцятины - їднать ся о [[Тріола (музика)|тріоловый]] рітм з одлегченов (або цілком вышмаренов) другов дванадцятинов у каждій тріолї. Тым выникать характерістічный „колысавый рітм“, котрый годен приближыти наприклад як повторяня слабік „дуба-дуба-дуба-дуба“.

В мелодії є з облюбов выужывано [[Сінкопа|сінкоп]] і нароком неточного фразованя, котре ся „не змістить“ до основного рітму - тым є окрем гармонічного напнутя досягнуте і рітмічне напнутя міджі допроводжанём і соловов (співнов) лінков.

== Представителї ==
[[Файл:RobertCray.jpg|thumb|Блузовый ґітаріста [[Роберт Крей]]]]
* [[Ерік Клептон]]
* [[Роберт Джонсон]]
* [[Чарлі Паттон]]
* [[Лідбеллі]]
* [[Блайнд Лемон Джефферсон]]
* [[Лоні Джонсон]]
* [[Біссі Сміт]]
* [[Біґ Білл Брунзі]]
* [[Муді Вотерс]]
* [[Гожлін Волф]]
* [[Сонні Бой Віліамсон]]
* [[Джон Лі Гукер]]
* [[Лузъяна Ред]]
* [[Баді Ґай]]
* [[Отіс Раш]]
* [[Фреді Кінґ]]
* [[Алберт Кінґ]]
* [[Б. Б. Кінґ]]
* [[Айк Тарнер]]
* [[Рей Чарлз]]
* [[Петер Ґрін]]
* [[Стіві Вей Вауґган]]

[[Катеґорія:Музичны штилы]]