Зобразити жрїдло сторінкы Парабола

[[File:Parabola3.svg|thumb|Парабола, огниско и водяча]]
[[File:Parabel-def-p.png|thumb|Радиус-вектор, простопадна<br>и огнисковый параметер]]
[[File:Parabel-Apollonios.png|thumb|Геометрична интерпретация подля Аполлония Пергского]]
'''Парабола''', {{Реф-инфо|[[Грецкый язык|гр.]]}} παραβολή 'приложѣня', 'прировнаня' — в [[геометрия|геометрии]] е ровинна незамкнута крива, котра ся вытворить [[Коничны перерѣзы|перерѣзом кругового конуса]] з ровинов, яка не проходить через его вершину и е паралелна творячой линии [[конус]]а.<ref name="Иванов">Иванов А.Б.: Парабола.</ref>

Парабола е геометричным мѣстом точок, про котры довжка радиус-вектора (луч меджи огниском и точков) е ровна довжцѣ простопадной, спущеной з точкы на водячу линию. Иншак мож повѣсти, же кажда точка параболы еднако оддалена од дакотрой фиксованой точкы, называной огниском, и од дакотрой простой, называной водячов.<ref name="Иванов"/><ref name="Яковлев">Яковлев К.П. (ред.), сс. 69-70.</ref> 

==Характеристикы параболы==
Понеже парабола отворена крива, ей другый фокус лежить в [[безконечность|безконечности]].<br>

[[Ексцентрицита]] параболы:<ref name="Иванов"/><ref name="Корн"/><br>
:<math> \varepsilon = 1</math><br>

Кедь вершину параболы умѣстиме в зачатку координат, а ей главну ось по оси [[ордината|ординат]] Y, тогды канонична ровниця параболы буде:<ref name="Иванов"/><ref name="Корн">Корн&nbsp;Г., Корн&nbsp;Т., сс. 66-73.</ref>
: <math>\textstyle x^2=2py,</math> 
: де <math>\textstyle p>0</math> — огнисковый параметер параболы, ровный половцѣ довжкы [[тетива (геометрия)|тетивы]], проходячой через огниско паралелно ку водячой. Тоту [[тетива (геометрия)|тетиву]] называють главнов [[тетива (геометрия)|тетивов]] параболы.<ref name="Бронштейн">Бронштейн И.Н., сс. 9-16.</ref>

Понеже кажда точка параболы еднако оддалена од огниска и од водячой, вершина параболы <math>S</math> одстоить од огниска и од водячой на величину <math>\frac{p}{2}</math>. 

==Походжѣня назвы параболы==
Давногрецкый математик [[Аполлоний Пергскый]] ся поважуе за автора назв [[Коничны перерѣзы|коничных перерѣзох]].<ref>https://www.britannica.com/science/mathematics/Mathematics-in-ancient-Egypt#ref536117 Apollonius.//Encyclopaedia Britannica.</ref> В его добѣ [[математик]]ы еще не знали представляти кривы через [[алгебра|алгебраичны]] [[ровниця|ровницѣ]]: одношѣня меджи елементами и параметрами мѣряли [[Геометрия|геометричным]] способом. Кедь про даяку точку <math>P</math> на параболѣ побудуеме [[простоуголник]] зо зачатком во вершинѣ <math>S</math>, ширинов основы, ровнов главной [[тетива (геометрия)|тетивѣ]], а вышков, ровнов [[ордината|ординатѣ]] точкы <math>P</math>, плоха того [[простоуголник]]а буде <math>2py</math>. Кедь зо зачатком во вершинѣ параболы побудуеме [[Квадрат (ґеометрія)|квадрат]] зоз сторонов, ровнов [[абсциса|абсцисѣ]] точкы <math>P</math>, его плоха буде <math>x^2</math>, а обѣ плохы будуть еднакы про кажду точку гиперболы. Задачу прикладованя ку [[Квадрат (ґеометрія)|квадрат]]у ровного ему [[простоуголник]]а зоз заданов величинов стороны (в нашом припадѣ — главнов [[тетива (геометрия)|тетивов]]) назвали задачов ''приложѣня линии ку квадрату'', а парабола достала назву од {{Реф-инфо|[[Грецкый язык|гр.]]}} παραβολή 'приложѣня', 'прировнаня'.<ref name="Бронштейн"/>

==Парабола в техницѣ==
[[File:ParabolicWaterTrajectory.jpg|thumb|Траектория руху по параболѣ]]
Парабола мать важну оптичну властность: свѣтловы лучи, выходячы з ей огниска, по зеркалном одбитю од параболы идуть паралелно оси параболы.<ref name="Иванов"/><ref name="Маркушевич">Маркушевич А.И., сс. 13-15.</ref> Тото ся выуживать в конштрукции рефлекторох. 

Гранат, выстрѣленый з канона, триск воды з водомета, або фонтаны, летять по параболѣ.<ref name="Бронштейн"/>

Водну [[аероплан]]а, котрый летить по параболѣ в едной фазѣ лету накурто взникне безгравитачный став, што ся може выужити на приготовлѣня [[козмонавт]]ох.  

==Жерела и одказы==
* [http://kvant.mccme.ru/1975/04/parabola.htm Бронштейн И.Н. Парабола. «Квант», 1975, №4.] {{Реф-инфо|[[Руськый язык|русс.]]}}
* [https://dic.academic.ru/dic.nsf/enc_mathematics/3829 Иванов А.Б.: Парабола. //Математическая энциклопедия (на сайтѣ academic.ru)] {{Реф-инфо|[[Руськый язык|русс.]]}}
* [http://eqworld.ipmnet.ru/ru/library/books/Korn1973ru.djvu Корн&nbsp;Г., Корн&nbsp;Т. Свойства окружностей, эллипсов, гипербол и парабол // Справочник по математике. — 4-е издание. — М.: Наука, 1978] {{Реф-инфо|[[Руськый язык|русс.]]}} 
* [http://math.ru/lib/files/plm/v04.djvu Маркушевич А.И. Замечательные кривые.] {{Реф-инфо|[[Руськый язык|русс.]]}}
* Яковлев К.П. (ред.). Краткий физико-технический справочник. Том первый. Математика. Физика. Москва: Издательство «ФИЗМАТГИЗ», 1960. {{Реф-инфо|[[Руськый язык|русс.]]}}
{{Commonscat|Parabolas}}

== Референции ==
{{reflist}}
[[Катеґорія:Коничны перерѣзы]]
[[Катеґорія:Кривы]]