Зобразити жрїдло сторінкы Testwiki:Статя тыждня/2012/39

'''[[Портуґальске ескудо|Портуґа́льске еску́до]]''' ([[Портуґалскый язык|по портуґальскы]]: escudo [ɨʃˈkudu], ''щіт''; сімбол: <math>\mathrm{S}\!\!\!\Vert</math>, [[ISO 4217|код]]: PTE) было [[Валута|валутов]] [[Портуґалія|Портуґалії]] до заведжіня [[Евро|евра]] 1. януара 1999. року і ёго вылучіня з обігу 28. фебруара 2002. року. Ескудо ся дїлило на 100 [[Сентаво|сентав]] (centavo, ''стотина'').

Сумы в ескудах ся писали як ''ескуды $ сентавы'', де як роздїлёвач ся хоснує сімбол ескуда, т. є. ''25$00'' значіть 25 ескуд, ''100$50'' значіть 100 ескуд і 50 сентав. 
== Історія ==
Ескудо было заведене 22. мая 1911. року, по [[Портуґальска револуція 1910. року|републіканьскій револуції 1910. року]] і замінило [[портуґальскый реал]] цїнов 1000 реалів за 1 ескудо. Аж до [[90. рокы XX. стороча|90. років]] сінонімом слова ''escudo'' ся зоставало ''mil réis'' (тісяча реалів). Єден міліон реалів звали ''conto de réis'' ці лем ''conto''. Пак так звали і тісячу ескуд, а теперька, хоць і рїдше, звуть 5 евр (~1000 ескуд).
== Теріторія ==
Ескудо ся хосновало в самій Портуґалії, на [[Азоры|Азорах]] і [[Мадейра|Мадейрї]]. У портуґальскых колоніях ескудо ся обычайно хосновало до їх независлости. Портуґальскы і даколи містны мінцы ся хосновали попри містных банковок. Вєдно з Портуґаліёв ескудо прияли [[Анґола]], [[Капверды]], [[Мозамбік]], [[Портуґальска Ґвінея]] (днесь [[Ґвінея Бісау]]), [[Святый Томаш і Прінців остров]], а пак і [[Выходный Тімор]] з [[Портуґальска Індія|Портуґальсков Індіёв]]. Із них [[Капвердьске ескудо|ескудо]] доднесь хоснують лем Капверды. [[Макао]] в колоніальній добі, як і нынї, хосновало [[Макавска патака|патаку]]. 
== Мінцы ==
Міджі 1912 і 1916 ся выдавали [[Стрібло|стріберны]] мінцы цінов 10, 20, 50 сентав і 1 ескудо. Міджі 1917 і 1922 ся выдавали [[Бронз|бронзовы]] 1 і 2 сентава і [[Мідонікель|мідонікелёвы]] 4 сентава.

У 1920 были заведены бронзовы 5 сентав і мідонікелёвы 10 і 20 сентав, пак, у 1924 — бронзовы 10 і 20 сентав, 50 сентав і 1 ескудо з [[Алумініовый бронз|алумініового бронзу]]. Алумініовый бронз замінили мідонікелём у 1927.

У 1932 завели стріберны 2½, 5 і 10 ескуд. 2½ і 5 ескуд разили до 1951, а 10 ескуд — до 1955 зо зниженым обсягом стрібра. У 1963 были заведены мідонікелёвы 2½ і 5 ескуд, пак алумініовы 10 сентав, бронзовы 10 і 20 сентав і 1 ескудо в 1969. Мідонікелёвы 10 і 25 ескуд были заведены у 1971 і 1977 у тому порядку. У 1986 была заведена нова, послїдня перед заведжінём евра мінцова сістема.