Юлианскый день
Юлианскый день, або юлианскый датум (куртанка JD) — число дньох,[1] котры минули од полудня свѣтового часу дня 1. януара року 4713 до н. е. подля пролептичного Юлианского календаря.[2]
Припадно, подля пролептичного Григорианского календаря точка одрахунку буде 24. новембра 4714 до н. е. Тыж ся мусить уважовати, же подля астрономичной личбы рокох будуть то одповѣдно рокы -4712 и -4713, понеже в цивилной личбѣ рокы до н. е. зачинають ся од 1 до н. е., в астрономичной же личбѣ тот рок ся рахуе за нултый, а далшы рокы за минусовы.
Юлианскый период
По заведжѣню Григорианского календаря (1582) проблемы в хронологии и астрономии еще вецей наросли. Французскый историк и хронолог Жозеф Скалигер в року 1583 понукнув на то таке рѣшѣня, жебы ся злучили до едного цикла розличны календарны циклы индикт (15-рочный цикл збераня шпециалной дани в Римской империи), Метонов цикл (19-рочный, котрый вплывать на днѣ фаз Мѣсяця и вызначѣня датума Великодня) и сонѣчный цикл (28-рочный, котрый пересуне днѣ тыждня на тоты самы числа мѣсяця). Такый цикл, названый Юлианскым периодом обсягуе рокы. Его зачаток припадать на 1. януара року 4713 до н. е. пролептичного Юлианского календаря, коли зачали ся вшиткы три спомянуты циклы.[3][2] Конець первого юлианского периода буде 23. януара рока 3268 подля Григорианского календаря.
Хоснованя
Каждый день в границях Юлианского периода мать свое число, котрое е цѣлым числом, котре еще позначать ся JDN (Julian Day Number). Юлианскый датум днешного дня (7. 12 2025) е Шаблона:JULIANDAY, тото указуе число дньох, котры сплынули од зачатку периода. Про каждый юлианскый день мож выраховати, якый то быв день тыждня: буде то звышок од дѣлѣня юлианского датума на 7:
| JDN mod 7 | 0 | 1 | 2 | 3 | 4 | 5 | 6 |
|---|---|---|---|---|---|---|---|
| День тыждня | Пн | Вт | Ср | Чт | Пт | Сб | Нд |
Жерела и одказы
- Juliánská perioda //Ottův slovník naučný. Illustrovaná encyklopaedie obecných vědomostí. Díl 13. Vyd. J. Otto. V Praze, 1898. С.658
- Юліанська дата //Климишин І.А., Корсунь А.О. (ред.) Астрономічний енциклопедичний словник — Львів : Голов. астроном. обсерваторія НАН України : Львів. нац. ун-т ім. Івана Франка, 2003. — 548 c. Шаблона:ISBN] [1] С. 539.