Кеплеровы законы
(1) Орбиты суть елипсы, з огнисками (фокусами) F1 и F2 про перву планету а F1 и F3 про другу планету. Сонце умѣщене в огниску F1.
(2) Два затѣнены секторы A1 и A2 мають еднаку плоху, ай час за котрый планета перейде сектором A1 е такый самый, як про сектор A2.
(3) Квадраты обѣжного часу на орбитах планеты 1 и планеты 2 односять ся, як кубы оддалѣня тых планет од Сонця: .
Кеплеровы законы суть три научны законы руху планет доокола Сонця. Йоганн Кеплер поужив найновшы методы и найточнѣйшы астрономичны серсамы, доступны в его часѣ и вылѣпшив научны теории своих предходцьох.
Предходны теории
Миколай Коперник, Кеплеров предходця, зробив револуцию в астрономии, коли объявив, же Птолемейов геоцентричный модел вселеной хыбный, и выбудовав гелиоцентричный модел зоз Сонцьом в серединѣ Сонѣчной системы. Коперник, як и Птолемей поважовали, же «в небесах» вшитко заряджено правилно и ровномѣрно, зато орбиты планет суть круглы. Сонце, подля Коперника, мало быти в центрѣ тых орбит, а рух планет мав быти ровномѣрный. Але точны мѣряня не были в згодѣ з тым моделом. Причину той незгоды объявив Коперник и згорнув до трьох законох, котры вывели ся з точных мѣрянь.[1]
Первый закон
Планеты обѣгають доокола Сонця по елиптичных орбитах, в едном сполочном огниску котрых лежить Сонце.
Круг — окремый припад елипсы, в котром оба огниска елипсы зошли ся в едной точцѣ. Образно можеме повѣсти же елипса е росплесканый круг, чим векша плескатость, тым вецей суть розсунуты од себе огниска елипсы. Розсунутость огнискох од центра мать свое математичне означѣня – ексцентрицита – и свою чиселну величину. Круг мать ексцентрициту нулову (огниска не суть розсунуты, суть в центрѣ). Елипса мать ненулову ексцентрициту, але все меншу од единицѣ. Ексцентрициты планетных орбит Сонѣчной системы суть лем мало векшы од нулы.[1] Напримѣр, екцентрицита земской орбиты подля сучасных мѣрянь 0,0167.[2] Тото была една причина, чом Коперникова теория была близка ку реалитѣ, але не цѣлком точна.
Другый закон (закон плох)
Плохы, описаны спойницьов Сонця и планеты за два еднакы интервалы часу, суть еднакы.
Спойниця е мыслена линия, котра споюе центры мас планеты и Сонця. З того закона выплывать, же планета найскорше летить на орбитѣ в точцѣ, де е ку Сонцю найближа (присонѣчна точка, або перигелий), а найпомалше в точцѣ найвекшого оддалѣня (одсонѣчна точка, або афелий). Примѣром, Земля мать максималну орбиталну скорость 30,29 км/сек, минималну 29,29 км/сек.[3]
Третий закон
Квадраты обѣжного часу орбит двох планет односять ся, як кубы великых полуосей (середных оддаленостей од Сонця) их орбит: Шаблона:Center
Велика ось елипсы проходить од присонѣчной точкы (перигелия) через центер до одсонѣчной точкы (афелия) елипсы. Знаючи з мѣрянь обѣжны часы планет, и величину полуоси земской орбиты, мож з помочов того закона выраховати одстояня од Сонця иншых планет. Велика полуось земской орбиты е сума одстоянь Землѣ од Сонця в перигелию и в афелию подѣлена на два, або иншыма словами середне одстояня Землѣ од Сонця, и принята в астрономии як астрономична единиця довжины (au),[1] Меджинароднов Астрономичнов Униов в року 2012 рекомендована в точной величинѣ 149 597 870 700 м.[4]
Жерела и одказы
- Истинное движение планет и законы Кеплера. //Проф. Воронцов-Вельяминов Б.А. Астрономия. Москва: Учпедгиз, 1959. Сс. 65-68. Шаблона:Реф-инфо
Референции
Шаблона:Reflist Шаблона:Переклад
- ↑ 1,0 1,1 1,2 Воронцов-Вельяминов Б.А.
- ↑ Simon, J.L.; Bretagnon, P.; Chapront, J.; Chapront-Touzé, M.; Francou, G.; Laskar, J. (February 1994). "Numerical expressions for precession formulae and mean elements for the Moon and planets". Astronomy and Astrophysics. 282 (2): 663–83. Bibcode:1994A&A...282..663S
- ↑ Williams, David R. (1 September 2004). "Earth Fact Sheet". NASA. Retrieved 9 August 2010.
- ↑ International Astronomical Union, ed. (31 August 2012), RESOLUTION B2 on the re-definition of the astronomical unit of length (PDF), RESOLUTION B2, Beijing, Kina: The XXVIII General Assembly of International Astronomical Union.