Енергетичный слуга

Пропорция енергетичных слуг
на едного працовника

Енергетичный слуга, Шаблона:Реф-инфо energy slave, energy servant — понятя з области енергетикы, котре служить на указаня одношѣня меджи енергетичнов потребов организма чоловѣка (пожыва, минимално потребна про екзистенцию) и енергетичнов спотребов (вшиткы иншы жерела енергии, спожитой чоловѣком). Енергетичный слуга иншак може быти означеный яко середний выкон чоловѣка за день, котра величина згруба ровнать ся 100 W.

Единка людской роботы

100 W е выкон чоловѣка, коли не робить нияку тяжшу роботу (тот выкон потребный на утриманя метаболизма и теплоты тѣла 37°C), обычайный чоловѣк при физичной роботѣ не перевысшить выкон 200 W, шпортовцѣ при найтяжшом затерьханю досягають 700 W, а лем мало котры 1 kW.

Наперек тому, же виды роботы можуть быти розличны, а главнѣ же переважно ся выконують не-людсков инфраштруктуров (машинами, транспортовыма системами, паливами, тяжным статком, вѣтровов и воднов енергиев и т. д.), дасть ся их вымѣряти штандартнов единков людськой роботы, котров е енергетичный слуга з выконом 100 W, а то через поровнаня спотребованя енергии не-людсков инфраштруктуров.

Вырахунок единкы

Чоловѣк згруба спотребуе денно 2000 килокалорий, една килокалория, Шаблона:Реф-инфо Calorie, ровна 4184 джовлам, выходячи з того: $1ES=\frac{2000Calories}{1day}\times \frac{1day}{24hrs\times 60min\times 60sec}\times \frac{4184Joules}{1Calorie}=96.85\frac{J}{second}=96.85W\approx 100W$

Хоснованя

Тона ропного еквивалента, Шаблона:Реф-инфо tonne of oil equivalent, toe выдавать 41.868 GJ енергии. То ровноцѣнне як бы нам служили за цѣлый рок 13 енергетичных слуг: $\frac{1toe}{1year}\times \frac{1year}{365days\times 24hrs\times 60min\times 60sec}\times \frac{41868000000J}{1toe}\times \frac{1servant}{100W}=13.28SE\approx 13SE$ Иншак мож повѣсти, же кедь наше авто спотребуе тону палива рочно, то ровноцѣнне роботѣ 13 слуг. Найскромнѣйше авто з выконом 40 kW (70 коньскых сил) ровноцѣнне складеному выкону 400 слуг, а маленькый мопед з выконом 2 kW — роботѣ 20 слуг, котры бы мали крутити педала.

Спотреба енергии во свѣтѣ на особу, 2008

Регион держава	kWh/capita 2008	Выкон W	Енерг. слуг
Споены Штаты Америкы	87 216	9 956	99
Европска уния	40 821	4 660	46
Близкый Выход	34 774	3 970	39
Китайска людова република	18 608	2 124	20
Латинска Америка	14 421	1 646	15
Африка	7 792	889	8
Индия	6 280	717	6
Иншы, довъедна*)	23 871	2 725	26
Свѣт, довъедна	21 283	2 430	23
Жерело: IEA/OECD, Обывательство OECD/World Bank *) Иншы, довъедна: Котры не зазначены окреме, включають, напримѣр, державы в Азии и Австралию з Океаниев, Канаду. Спотреба енергии в «иншых» державах барз ся розличуе, напримѣр, Австралия, Япония або Канада спотребують енергии омного веце, неж Бангладеш або Мянма.

Жерела и одказы

• Шаблона:Cite book
• Шаблона:Cite web
• Шаблона:Cite web