Нуклеон
Нуклеон, од Шаблона:Ref-la nucleus ядро — сполочна назва протона и невтрона, што суть частицями, з котрых зложены атомовы ядра.[1]
Подобности и розликы
Нуклеоны чинять основну часть масы атома. Наперек тому, же дакотры властности и справованя невтронох и протонох не еднакы, по думцѣ физикох, суть они доста подобны, жебы ся поважовали членами едной родины, подобно тому як биология односить ку едному виду псох и вовкох. Так, их масы ся различують не веце як на 1%, а спины суть еднакы. Окрем того, майже еднакы силы, што дѣють меджи двома невтронами або двома протонами на малых одстоянях, 10–15 м и менше (розмѣр ядра). Найзакладнѣйша розлика меджи протоном и невтроном — електричный набой у протона, котрого невтрон, як то видко ай з его назвы, не мать.[2]
Внуторна штруктура
В модерной физицѣ представа о внуторной штруктурѣ нуклеонох оперта на кваркову теорию. Подля ней, нуклеоны суть зложены зоз еще простѣйшых частиць трьох типох, называных кварками. Кедь електричный набой протона позначиме як , то протон буде обсяговати два кваркы з набойом +(2/3) и еден кварк з набойом -(1/3), а невтрон — еден кварк з набойом +(2/3) и два кваркы з набойом -(1/3). Кваркова теория ся пересвѣдчиво потвердила в експериментах з россѣяня електронох высокых енергий, котры, взаимодѣючи з нуклеонами, выявили ествованя у них внуторной штруктуры.[2]
Жерела и одказы
- Шаблона:Cite webШаблона:Ref-ru
- Прохоров А.М. (гл. ред.): Физическая энциклопедия в 5 томах. — Москва: Большая Российская энциклопедия, 1988-1998. Шаблона:ISBN Том 3, 1992. 672 с. Шаблона:ISBN. Магнитоплазменный – Пойнтинга теорема Шаблона:Ref-ru С. 366. Одчитане: 2020-08-15